![\"KESS](\"https:\/\/kess2.ac.uk\/wp-content\/uploads\/awards17header.jpg\")
<\/p>\n<\/p>\n
Ddydd Iau 27 Gorffennaf yng Ngardd Fotaneg Genedlaethol Cymru, roedd KESS 2, prosiect a ariennir gan Gronfa Gymdeithasol Ewrop, yn cyflwyno gwobrau i dri enillydd cystadleuaeth mewn noson ddiddorol o gyflwyniadau byw ac arddangosfa o Ddelweddau Ymchwil, yn dwyn yr enw \u2018Creu Tonnau\u2019. Daeth myfyrwyr, cwmn\u00efau a phobl o\u2019r byd academaidd i\u2019r digwyddiad a dangoswyd rhywfaint o\u2019r prosiectau ymchwil a ariennir gan yr UE sydd ar waith ar hyn o bryd yng Nghymru fel rhan o raglen a gefnogir gan Lywodraeth Cymru.<\/p>\n
Drwy ddwyn ynghyd y bobl sy\u2019n cymryd rhan mewn prosiectau o bob cwr o Gymru, llwyddodd noson Gwobrau KESS 2 i dynnu sylw at yr amrywiaeth eang o ymchwil sy\u2019n cael ei chynnal yn yr Ardal Gydgyfeirio gyfan. Mae pob prosiect KESS 2 yn creu cysylltiadau rhwng byd busnes a\u2019r byd academaidd. Drwy gyfrwng y digwyddiad, a fydd yn cael ei gynnal bob blwyddyn, rhoddwyd cyfle i bob un o\u2019r grwpiau hyn gysylltu, trafod a dathlu eu prosiectau ymchwil sydd ar waith.<\/p>\n
![\"AwardWinners2017\"](\"https:\/\/kess2.ac.uk\/wp-content\/uploads\/AwardWinners2017.jpg\")
Anne Collis, Rhiannon Chalmers-Brown ac\u00a0Olivia Howells\u00a0oedd enillwyr y noson.<\/p><\/div>\n
Trefnwyd y noson yn seiliedig ar gyfres o wyth cyflwyniad \u2018Traethawd Tri Munud\u2019 gan fyfyrwyr a dderbyniodd yr her i gyflwyno eu prosiectau ymchwil o fewn 3 munud yn unig. Cafodd pob cyflwyniad ei feirniadu ar y noson gan y gynulleidfa ar sail y meini prawf canlynol – dull cyflwyno, eglurder, ymgysylltiad a thystiolaeth o gydweithio. Roedd meini prawf ychwanegol yn cael eu beirniadu ar wah\u00e2n gan Dr Einir Young a Dr Gwenith Elias o’r Labordy Cynaliadwyedd, Prifysgol Bangor, ar sail pa mor dda roedd pob cyflwyniad yn llwyddo i roi sylw i \u2018Ddeddf Llesiant Cenedlaethau’r Dyfodol\u2019 (2015).<\/p>\n
Anne Collis, myfyrwraig Doethuriaeth KESS 2 ym Mhrifysgol Bangor mewn partneriaeth \u00e2 Barod, oedd yr enillydd cyffredinol am ei chyflwyniad rhagorol, a rhoddwyd y Wobr Cynaliadwyedd i Rhiannon Chalmers-Brown, myfyrwraig Doethuriaeth KESS 2 o Brifysgol De Cymru mewn partneriaeth \u00e2 TATA Steel.<\/p>\n
Yn y digwyddiad hefyd, cyflwynwyd y gystadleuaeth Delweddau Ymchwil KESS 2 am y tro cyntaf ar y thema \u2018Creu Tonnau\u2019. Cafodd y gystadleuaeth delweddau, a oedd yn annog myfyrwyr i gyflwyno eu hymchwil drwy gyfrwng gweledol, ei beirniadu\u2019n allanol gan Sian Tomos (Cyfarwyddwr Menter ac Adfywio, Cyngor Celfyddydau Cymru), Alison Mitchell (Cyfarwyddwr Datblygu, Vitae), a Vince Jones (Whole Picture Productions). Rhoddwyd y wobr am y Ddelwedd Ymchwil Orau i Olivia Howells, myfyrwraig Doethuriaeth KESS 2 o Brifysgol Abertawe mewn partneriaeth \u00e2 BIOMEMS Technology Ltd.<\/p>\n
Dr Penny Dowdney, Rheolwr KESS 2 Cymru, fu\u2019n arwain y noson gan ddweud,<\/p>\n
\u201cDiolch o galon i\u2019r 100 o bobl a ddaeth i\u2019r noson Gwobrau KESS 2 gyntaf. Roedd y digwyddiad yn gyfle gwych i glywed am y partneriaethau ymchwil amrywiol y mae KESS 2 yn eu cefnogi ledled Cymru. Mae\u2019n braf gweld myfyrwyr ymchwil KESS 2 yn cyflwyno eu hymchwil, drwy gyfrwng cyflwyniad neu ddelwedd, gyda chefnogaeth eu goruchwylwyr academaidd a\u2019u cwmn\u00efau partner. Diben digwyddiad Gwobrau KESS 2 yw dathlu llwyddiant a chydnabod yr effaith a gaiff KESS 2 ledled Cymru.\u201d<\/p>\n
Mae Ysgoloriaethau Sgiliau Economi Gwybodaeth (KESS 2)\u00a0yn cysylltu cwmn\u00efau a sefydliadau sydd ag arbenigedd academaidd i gynnal prosiectau ymchwil sy\u2019n diwallu anghenion busnes gweithredol neu ei sector. Mae KESS 2\u00a0yn brosiect cydweithredol a gefnogir gan\u00a0Gronfa Gymdeithasol Ewrop (ESF)\u00a0drwy Lywodraeth Cymru ac yn cynnwys pob prifysgol yng Nghymru, dan arweiniad Prifysgol Bangor.<\/p>\n
![\"Olivia](\"https:\/\/kess2.ac.uk\/wp-content\/uploads\/B-OH-1024x566.png\")
<\/a>