![\"\"](\"https:\/\/kess2.ac.uk\/wp-content\/uploads\/kesstweet-1024x752.jpg\")
<\/p>\n<\/p>\n
Cyhoeddwyd yr erthygl gwreiddiol gan Brifysgol Bangor:\u00a0https:\/\/www.bangor.ac.uk\/news\/diweddaraf\/hen-blant-bach-yn-ennill-gwobr-arian-mewn-g%C5%B5yl-ffilm-a-theledu-ryngwladol-36444<\/a><\/em><\/p>\n Mae rhaglen y bu cyfraniad y Brifysgol yn rhan annatod ohoni wedi derbyn clod rhyngwladol wrth ennill Gwobr Arian yng Ng\u0175yl Gwobrau Teledu a Ffilm Ryngwladol Efrog Newydd<\/a>, a gynhaliwyd yn ddiweddar.<\/p>\n Enilllodd Hen Blant Bach,<\/a> sy\u2019n gynhyrchiad gan gwmni Darlun, y Wobr Arian yng nghategori rhaglen ddogfen Portreadau Cymunedol. Roedd y gyfres yn fformat ffeithiol newydd gan S4C a oedd yn olrhain arbrawf cymdeithasol unigryw. Yn y rhaglen, ddaeth pobl mewn oed ynghyd \u00e2 phlant meithrin i rannu eu gofal dydd, gan ddangos yr effeithiau trawsnewidiol sy’n bosib o\u2019u dod at ei gilydd.<\/p>\n Wrth longyfarch yr ymchwilwyr a\u2019r Cwmni cynhyrchu dywedodd Dr Penny Dowdney, Rheolwr Cymru KESS 2<\/a>\u00a0 fod y rhaglen boblogaidd wedi bod yn esiampl wych o sut yr oedd cydweithio gydag arbenigwyr yn\u00a0 galluogi i gwmn\u00efau ddatblygu cynnyrch newydd.<\/p>\n Meddai: \u201cDrwy gydweithio gyda\u2019n harbenigwyr drwy raglen KESS2, mae\u2019r cwmni teledu wedi medru datblygu fformat rhaglen newydd, gyda\u2019r sicrwydd bod ymchwil academaidd\u00a0 dilys yn rhoi seiliau cadarn i\u2019r rhaglen ddogfen addysgiadol.\u00a0 Mae hyn yn esiampl wych o sut y gall cyfuniad newydd o bynciau, sydd yn ymddangos yn dra gwahanol, arwain at ddatblygu\u00a0 syniadau a chynnyrch newydd.\u201d<\/p>\n Yn rhannu eu harbenigeddau ar y rhaglen oedd dwy seicolegydd o Brifysgol Bangor, Dr Catrin Hedd Jones, o\u2019r Ysgol Gwyddorau Gofal Iechyd a Dr Nia Williams o\u2019r Ysgol Addysg, a ymddangosodd yn y rhaglen, ynghyd \u00e2’r Athro Bob Woods.<\/p>\n Dan lygaid barcud y seicolegwyr, cafwyd sylwebaeth graff ar yr hyn oedd yn datblygu rhwng y plant \u00e2\u2019r henoed wrth i\u2019r bwlch oedran gael ei bontio \u2013 a’r effeithiau cadarnhaol a ddaeth yn ei sgil.<\/p>\n Meddai Dr Nia Williams o\u2019r Ysgol Addysg:<\/p>\n \u201cRoedd yr enwebiad yn gydnabyddiaeth anhygoel o\u2019r gwaith ymchwil ac yn gyfle gwych i roi\u00a0 Cymru a Phrifysgol Bangor ar y map. Mae ennill Gwobr Arian yn anghredadwy!\u201d<\/p>\n Mae\u2019r gyfres diweddaraf wedi elwa o gefnogaeth Ysgoloriaeth KESS 2 mewn partneriaeth \u00e2 Darlun.<\/p>\n Esbonia Dr Catrin Hedd Jones: \u201cMae’r gefnogaeth yma wedi ein galluogi i gynnal ymchwil pwysig i effaith yr tri diwrnod ar y plant, yr oedolion a’r staff sydd ynghlwm \u00e2\u2019r sefydliadau. Rydym wedi penodi myfyrwraig dan nawdd y cynllun, sydd yn dilyn cwrs gradd Meistr Ymchwil a gyllidwyd gan KESS 2 ac yn gweithio ar y cyd gyda’r cwmni teledu a\u2019r Brifysgol i ddatblygu\u2019r weithgaredd, gan gasglu gwybodaeth cyn i\u2019r plant a pobl hyn gwrdd \u00e2’i gilydd a\u2019u dilyn dros wythnos o weithgareddau.<\/p>\n Rydym wrth ein boddau fod y rhaglen wedi cael cydnabyddiaeth ryngwladol. Wrth gwrs rydym hynod ddiolchgar i KESS a chwmni teledu Darlun am eu cefnogaeth er mewn galluogi ni i gynnal ymchwil ar y cyd i werthuso effaith rannu gofal dydd i blant a phobl hyn”.<\/p>\n Gweler hefyd:<\/p>\n Hen Blant Bach ar restr fer gwobrau rhyngwladol Ffilm a Theledu<\/a><\/p><\/blockquote>\n