![\"HCC\"](\"https:\/\/kess2.ac.uk\/wp-content\/uploads\/img20191126191.jpg\")
<\/p>\n<\/p>\n
Wrth i newid yn yr hinsawdd a materion amgylcheddol gael mwy o sylw gan y cyhoedd, mae\u2019r corff cig coch, Hybu Cig Cymru (HCC), yn helpu i ariannu ymchwil pwysig ym Mhrifysgol Bangor a fydd yn rhoi cymorth i\u2019r sectorau cig oen a chig eidion yng Nghymru i arwain y byd o ran ffermio cynaliadwy.<\/p>\n
Mae modd gwneud cais ar hyn o bryd am dair ysgoloriaeth PhD sydd wedi eu cyllido\u2019n llwyr, sef rhan o raglen KESS 2 (Ysgoloriaeth Sgiliau\u2019r Economi Wybodaeth), sy\u2019n galluogi prifysgolion a diwydiannau i gydweithredu er mwyn cefnogi ymchwil o bwysigrwydd strategol i sectorau economaidd hollbwysig.<\/p>\n
Bydd y tri ymchwilydd, \u00e2 chefnogaeth uwch-academyddion sy\u2019n cynnwys Dr. Prysor Williams, yn canolbwyntio ar \u2018Cyrraedd targedau amgylcheddol tra\u2019n cynnal proffidioldeb yn sector cig oen ac eidion Cymru\u2019, \u2018Strategaethau ar gyfer cwrdd \u00e2 thargedau i leihau allyriadau amonia a thrwytholchiad nitradau ar ffermydd cig eidion a defaid yng Nghymru\u2019 a \u2018Strategaethau i gyrraedd y nod o gynhyrchu defaid a gwartheg cig eidion yn ddi-garbon ar ffermydd Cymru\u2019.<\/p>\n
Bydd yr un ffynhonnell ariannu hefyd yn cefnogi\u00a0 PhD ym Mangor ar \u2018Pennu\u2019r potensial ar gyfer pori trachywir i wneud systemau cynhyrchu da byw yn wytnach.\u2019<\/p>\n
![\"\"](\"https:\/\/kess2.ac.uk\/wp-content\/uploads\/HCC19115-Major-new-research-to-strengthen-sustainability-of-Welsh-farming-185x300.jpg\")
Dr. Prysor Williams yn trafod amaeth a chynaliadwyedd yng nghyhadledd Hybu Cig Cymru.<\/p><\/div>\n
Esboniodd Rheolwr Datblygu\u2019r Diwydiant yn HCC, John Richards, fod y bwrdd cig coch eisoes wedi lansio rhaglen i wneud y cyhoedd yn ymwybodol o\u2019r effaith isel y mae cynhyrchu cig defaid a chig eidion yn ei gael ar yr amgylchedd yng Nghymru mewn cymhariaeth \u00e2 rhannau eraill o\u2019r byd. Ychwanegodd y byddai\u2019r ymchwil hwn yn helpu i hybu datblygiadau yn y dyfodol.<\/p>\n
\u201cMae defnyddwyr am wybod fod y cig y maen nhw\u2019n ei brynu wedi cael ei gynhyrchu i safonau uchel ar y fferm \u2013 o ran lles anifeiliaid ac olrheinedd, ac, yn gynyddol, o ran cynaliadwyedd amgylcheddol,\u201d meddai John. \u201cMae gan Gymru neges bwerus a phositif eisoes oherwydd mae\u2019r rhan fwyaf o ddigon o ddefaid a gwartheg yn cael eu magu mewn systemau sy\u2019n dibynnu ar borfa naturiol a d\u0175r, gan gynhyrchu llai o allyriadau na llawer o systemau ffermio eraill y byd.\u201d<\/p>\n
Ychwanegodd: \u201cMae ymchwil rhyngwladol, fel adroddiad IPCC ar y defnydd o dir yn fyd-eang, yn nodi rhan bwysig i ffermio da byw trwy ddulliau cynaliadwy fel rhan o\u2019r ateb i newid yn yr hinsawdd a diogelwch bwyd. Mae dyfodol ffermio yng Nghymru yn dibynnu ar y sector yn gallu trosglwyddo neges i\u2019r cyhoedd fod gennym eisoes stori ragorol i\u2019w hadrodd, a dangos ein bod yn gwneud popeth posibl i leihau allyriadau yn fwy byth a ffermio yn y ffordd fwyaf cyfrifol o ran yr amgylchedd.\u201d<\/p>\n
Dywedodd Prysor Williams: \u201cRydym wrth ein bodd ein bod yn mynd i weithio mor agos gyda HCC dros y tair i bedair blynedd nesaf trwy gyfrwng rhaglen KESS 2. Bydd i\u2019r prosiectau hyn wir werth gwyddonol, ac wrth gwrs byddan nhw o wir fudd i\u2019r sector cig coch, defnyddwyr a\u2019r amgylchedd yng Nghymru. Bydd pawb ar eu hennill. Edrychwn ymlaen at dderbyn ceisiadau ar gyfer y gwaith cyffrous hwn.\u201d<\/p>\n
Mae HCC wedi cyd-ariannu sawl ysgoloriaeth ymchwil PhD gyda nifer o sefydliadau academaidd, fel rhan o\u2019i raglen ehangach o ymchwil a datblygu sydd \u00e2\u2019r nod o ddod \u00e2 buddion ymarferol i ffermio a phrosesu yng Nghymru.<\/p>\n
Mae\u2019r cyfleoedd hyn yn cael eu cefnogi gan Gronfeydd Cymdeithasol Ewropeaidd (ESF) trwy Lywodraeth Cymru fel rhan o raglen KESS 2 Dwyrain sy\u2019n cysylltu cwmn\u00efau a sefydliadau ag arbenigedd academaidd yn y sector Addysg Uwch i ymgymryd \u00e2 phrosiectau ymchwil cydweithredol.<\/p>\n
Mae modd cyflwyno ceisiadau tan 12 hanner dydd ar 20 Ionawr 2020.<\/strong><\/p>\n Cliciwch ar y dolenni a ganlyn i ddysgu mwy am bob prosiect a sut i wneud cais (mae’r dolenni yn agor mewn ffenest newydd):<\/p>\nSut i wneud cais:<\/h2>\n