![\"\"](\"https:\/\/kess2.ac.uk\/wp-content\/uploads\/2021\/02\/Hybu-Cig-Cymru-\u2013-Meat-Promotion-Wales-HCC-Webinar-Researching-Sustainable-Farming-in-Wales.png\")
\n\n
Yn 2019 daeth y DU y wlad gyntaf i ddeddfu targed net sero o allyriadau nwyon t\u0177 gwydr erbyn 2050. Mae amaethyddiaeth yn cyfrif am oddeutu 10% o gyfanswm allyriadau nwyon t\u0177 gwydr y DU felly mae’r sector o dan bwysau sylweddol i ostwng y ffigwr hwn. Ar 22 Chwefror, cynhaliodd partner cwmni KESS 2, Hybu Cig Cymru (HCC)<\/a> weminar yn canolbwyntio ar Ymchwilio i Ffermio Cynaliadwy yng Nghymru. Fe\u2019i gyflwynwyd gan Dr Prysor Williams<\/a>, Uwch Ddarlithydd mewn Rheolaeth Amgylcheddol ym Mhrifysgol Bangor, ochr yn ochr \u00e2 dau o’i fyfyrwyr PhD a ariannwyd gan KESS 2, Louise McNicol a Joe Jones. Nod y weminar hon oedd tynnu sylw at rywfaint o’r ymchwil sy’n mynd rhagddi i amaethyddiaeth gynaliadwy yng Nghymru.<\/p>\n Derbyniodd y weminar ymateb rhagorol gan gofnodi ychydig o dan 100 yn mynychu ar-lein. Cafwyd ymgysylltiad sylweddol gan y mynychwyr yn y sesiwn Holi ac Ateb, a arweiniodd at nifer o drafodaethau diddorol, ac roedd yr adborth a gafwyd ar \u00f4l y digwyddiad yn arbennig o galonogol ar gyfer y dyfodol yn y maes ymchwil hwn.<\/p>\n Meddai Dr Prysor Williams,<\/p>\n “Roedd yn dda iawn cael y cyfle i gyflwyno ar y cyd efo Louise a Joe – dau fyfyriwr PhD disglair wnaeth ymuno efo ni yn Ysgol y Gwyddorau Naturiol ym Mhrifysgol Bangor yn yr hydref [2020]. Maent yn gwneud gwaith arloesol a phwysig iawn, fydd yn ei dro yn helpu’r sector amaeth i gyrraedd rhai o’r targedau amgylcheddol uchelgeisiol sy’n ei wynebu. Roedd hi’n amlwg fod cryn ddiddordeb yn eu gwaith, ac rydym yn ddiolchgar i Hybu Cig Cymru am roi’r cyfle i gael cyflwyno’r gwaith ymchwil rydym yn ei wneud ym Mhrifysgol Bangor”.<\/p>\n Ychwanegodd Louise trwy ddweud,<\/p>\n \u201cGan mai dim ond ym mlwyddyn gyntaf fy astudiaethau yr wyf ar hyn o bryd, roeddwn yn ddiolchgar i HCC am y cyfle gwych i gymryd rhan yn y weminar hon a rhannu rhai o fy nghanfyddiadau cychwynnol gyda’r rhanddeiliaid yn y sector. Trwy ddarparu trosolwg byr o fy mhrosiect a chyflwyno rhai o fy nodau ar gyfer y dyfodol, cefais gyfle i ddangos fy mrwdfrydedd ar gyfer fy PhD i eraill yn y diwydiant. Rwy\u2019n edrych ymlaen yn fawr at rannu mwy o fy nghanfyddiadau PhD yn y dyfodol. \u201d<\/p>\n A dywedodd Joe,<\/p>\n \u201cRoedd yn gyfle gwych i siarad am fy ngwaith. Rwy’n teimlo bod hyn yn fudd mawr o system ariannu KESS 2 gan ei fod yn ein cysylltu \u00e2 phartneriaid cwmni ac yn rhoi llwyfan i ymchwilwyr ifanc drafod eu gwaith. Edrychaf ymlaen at gyfleoedd yn y dyfodol lle gallaf siarad am fy ngwaith yn fwy manwl. \u201c<\/p>\n Gellir cael rhagor o wybodaeth am y gwaith ymchwil isod ac mae recordiad o’r weminar ar gael i’w wylio yma:\u00a0https:\/\/meatpromotion.wales\/cy\/newyddion-a-diwydiant\/hcc-tv<\/a><\/p>\n