KESS 2 i Academyddion

Beth yw KESS 2?

Mae Ysgoloriaethau Sgiliau Economi Gwybodaeth (KESS 2) yn weithrediad pwysig drwy Gymru sy’n cael ei gefnogi gan Gronfeydd Cymdeithasol Ewrop (ESF) drwy Lywodraeth Cymru. Mae pob prifysgol yng Nghymru yn cymryd rhan ac mae’n cael ei arwain gan Brifysgol Bangor. Mae KESS 2 yn cysylltu cwmnïau â sefydliadau gydag arbenigedd academaidd yn y Sector Addysg Uwch i ymgymryd â phrosiectau ymchwil cydweithredol.

Mae pob ymchwil yn bwysig, ond heddiw fwy nag erioed, mae’n hanfodol fod busnesau a phrifysgolion yn gweithio gyda’i gilydd fel bod academyddion ifanc yn gallu ymgymryd â gwaith sy’n gwneud gwahaniaeth yn y byd go iawn.

Mae prosiectau KESS 2 yn rhai unigryw sydd wedi cael eu teilwra i ddarparu ymchwil cyffrous ac arloesol tra’n cwrdd ag anghenion busnes gweithredol neu anghenion ei sector. Mae’n rhaid i ymchwil sy’n cael ei wneud drwy brosiect KESS 2 gydweddu ag un o bedwar Maes Her Fawr Llywodraeth Cymru sef:

Gwyddorau Bywyd ac Iechyd
Uwch Beirianneg a Deunyddiau
Carbon Isel, Ynni ac Amgylchedd
TGCh a’r Economi Ddigidol

Ffeithiau ac Ystadegau ynglŷn â KESS 2: Cliciwch yma er mwyn cael darllen mwy

Cwestiynau a ofynnir yn aml

Pwy all gymryd rhan yn KESS 2?

Mae KESS 2 yn cynnwys yr holl brifysgolion yng Nghymru ac mae’n addas ar gyfer academyddion sydd am hyrwyddo prosiectau ymchwil lefel uwch ar y cyd o fewn sectorau busnes gweithredol.

Gall amrediad o gwmnïau a sefydliadau gyfrannu yn KESS 2, yn cynnwys cwmnïau Micro, BBaCHau, Cwmnïau Mawr, y Trydydd Sector a Mentrau Cymdeithasol os oes ganddynt bresenoldeb gweithredol yn Ardal Gydgyfeirio Cymru.

Rhaid i fyfyrwyr penodedig KESS 2 hefyd yn fod yn byw yn yr Ardal Gydgyfeirio ar gofrestru a chael yr hawl i weithio yn y rhanbarth ar gymhwyster.

Mae’r Ardal Gydgyfeirio yn cynnwys Gorllewin Cymru a’r Cymoedd, ac mae’n cynnwys y 15 awdurdod lleol canlynol:

Ynys Môn; Gwynedd; Conwy; Sir Ddinbych; Ceredigion; Sir Benfro; Sir Gaerfyrddin; Abertawe; Castell-nedd Port Talbot; Pen-y-bont ar Ogwr, Rhondda Cynon Taf; Merthyr Tudful; Caerffili, Blaenau Gwent; Torfaen.

Cliciwch yma i weld Map yr Ardal Gydgyfeirio (mae’n agor mewn tab newydd)

Beth yw manteision cymryd rhan mewn prosiectau ymchwil KESS 2?

A yw’r cwmni ynghlwm â diffinio’r prosiectau ymchwil?

Wrth gwrs. Mae prosiectau yn cael eu diffinio mewn partneriaeth rhwng y cwmni â’r arolygwr academaidd. Yn ogystal, mae’r cwmni yn cael rhoi eu barn ynglŷn â dewis myfyriwr ymchwil ar gyfer y prosiect. Mae’n rhaid i ymchwil sy’n cael ei wneud drwy brosiect KESS 2 gydweddu ag un o bedwar Maes Her Fawr Llywodraeth Cymru sef:

Gwyddorau Bywyd ac Iechyd
Uwch Beirianneg a Deunyddiau
Carbon Isel, Ynni ac Amgylchedd
TGCh a’r Economi Ddigidol

Bydd y Panel Cymeradwyo yn ystyried prosiectau eraill os gallan nhw ddangos eu bod yn cydweddu â’r cynllun gofodol, bod ganddyn nhw dechnolegau trawsbynciol, bod galw gan gyflogwyr lleol neu fod ganddyn nhw botensial i gael effaith sylweddol.

Beth a ddisgwylir gan arolygwyr academaidd KESS 2?

A yw’r myfyriwr ymchwil yn treulio amser yn y cwmni?

Pwy sy’n berchen ar unrhyw HED a ddaw o ganlyniad i’r prosiect?

Er mwyn dangos eich bod cydymffurfio â rheolau Cymorth Gwladwriaethol, bydd unrhyw Eiddo Deallusol a ddaw yn sgîl prosiect KESS 2 yn eiddo i’r brifysgol berthnasol. Bydd ED cefndirol a gafodd ei ddefnyddio mewn cysylltiad â phrosiect KESS 2 yn eiddo i’r parti sy’n ei gyflwyno a bydd yn amodol ar ymrwymiadau cyfrinachedd. Bydd y brifysgol berthnasol yn gadael i’r cwmni partner gael y dewis cyntaf ar un ai trwydded gyfyngol neu anghyfyngol i ddefnyddio’r Eiddo Deallusol neu unrhyw HED arall sy’n cael ei gynhyrchu drwy’r prosiect, fel sy’n cael ei drafod rhwng y partïon sydd ynghlwm ag ef.

Beth yw cyfraniadau ariannol y cwmni?

A oes yna fuddion eraill wrth gymryd rhan?

Mae adborth gan gyfranogwyr blaenorol yn dangos bod cwmnïau yn wir yn gwerthfawrogi’r cysylltiad â’r prifysgolion ac mae hyn wedi arwain yn aml at gydweithrediadau eraill.

I berchnogion a rheolwyr busnes, un o’r buddion mwyaf yw gallu canolbwyntio sgiliau tuag at faes ymchwil sy’n gysylltiedig â’u busnes – rhywbeth nad yw’n bosibl yn aml heb adnodd ychwanegol costus.

Mae’r cyhoeddusrwydd a’r cysylltiadau o amgylch y prosiectau hyn wedi golygu yn aml bod busnesau wedi cael enillion ardderchog ar eu buddsoddiad llawer cyn i ganlyniadau’r ymchwil gael eu cyhoeddi neu cyn iddyn nhw deimlo eu heffaith.

Mae gan bob ysgoloriaeth KESS 2 raglen hyfforddi sgiliau lefel uwch integredig ymwreiddiedig ar gyfer y myfyriwr sy’n cymryd rhan, sy’n arwain at Ddyfarniad Datblygu Sgiliau Ôl-raddedig, ac mae’n ymdrin ag unrhyw wybodaeth neu fylchau mewn sgiliau a nodwyd.

Os oes gennych chi syniad am brosiect neu os hoffech chi gael rhagor o wybodaeth ynglŷn â rhaglen ysgoloriaeth KESS 2, cysylltwch â ni.

Golwg Byd Academaidd

“Fel academydd, mae’n bwysig fod yn gallu gweithio gyda chwmnïau. Ambell waith, mae’r ymchwil yr ydym yn ei wneud, rydym ni’n gobeithio, yn cael ei ddatblygu gan gwmnïau eraill, ond ni allwn fyth fod yn siŵr. Pan ydym yn gweithio’n uniongyrchol gyda chwmni, rydym yn gwybod bod ein cyfraniad ni am fod yn ddefnyddiol ac y bydden nhw’n datblygu nwyddyn. Ac wrth gwrs, mae KESS yn darparu hynny”.

Yr Athro Rose Cooper
Prifysgol Metropolitan Caerdydd

“Rydw i’n meddwl yn bennaf ei fod yn rhoi cyfle inni wneud rhywbeth na fyddem ni fel arfer yn ei wneud. Fel arfer, rydym yn eithaf cul ein meddylfryd, hynny ydi, rydym ni’n canolbwyntio ar fanylion terfynol y bywyd academaidd a’r ymchwil. Ac ambell waith, rydym ni’n anghofio beth sydd yno yn y byd go iawn, a sut y byddai o fudd, ac rydw i’n meddwl ei fod wedi rhoi’r cyfle inni gydweithredu â diwydiant, rhywbeth nad ydym ni fel arfer yn ei wneud.”

Yr Athro Davey Jones
Prifysgol Bangor

“Eto, mae ynglŷn â sicrhau bod eich ymchwil yn cael effaith, ac felly mae’n rhaid i’ch cwestiynau chi fod wedi cael eu sbarduno gan ddiwydiant, ac oherwydd y mathau hyn o bartneriaethau a’r ffordd y maen nhw’n cael eu sefydlu, mae gennych chi gyfarfodydd parhaus gyda diwydiant, mae’ch myfyriwr yn ymwreiddio yn y diwydiant. Felly, drwy’r amser, rydych chi’n sicrhau bod eich ymchwil yn cael effaith a’i fod yn ateb cwestiynau allweddol i’r bobl hyn.”

Dr Liam Kilduff
Prifysgol Abertawe

“Mae bod ynghlwm â phrosiect KESS wedi ein galluogi i weithio’n agosach gyda’r cwmni yn ogystal â gweithio gyda myfyriwr; myfyrwyr sydd wedi’u hysgogi yn wirioneddol, gan roi’r sgiliau angenrheidiol iddyn nhw i symud i waith, ac ar yr un pryd, rhoi’r cyfle inni roi iddyn nhw rhywfaint o’r wybodaeth a’r cymorth arbenigol sydd eu hangen ar gyfer symud yr ymchwil ymlaen.”

Dr Vincent Barrioz
Prifysgol Glyndwr

“Rydw i’n meddwl bod cyfle inni yn ogystal fel arolygwyr baratoi a hyfforddi myfyrwyr eraill ar gyfer gyrfa mewn ymchwil neu efallai busnes masnachol os mai dyma y maen nhw eisiau’i wneud.”

Dr Arwel Jones
Prifysgol Aberystwyth

“Ac mewn gwirionedd, roedd yn fy ngalluogi i wella cydweithrediadau yr oeddwn i’n eu cael gyda’r cwmni fferyllol gyda phrosiect KESS, ac felly mae wedi bod yn ffactor wych. I’m myfyriwr, bu’n ffantastig oherwydd mae gweithio mewn BBaCh wedi rhoi sgiliau academaidd gwych iddo ef.”

Dr Matthew Smalley
Prifysgol Caerdydd

“Yn y Brifysgol, rydym ni fel arfer yn gwneud ychydig o ymchwil sylfaenol. Nid yw rhai cemegwyr yn glinigol berthnasol. Fodd bynnag, wrth weithio gyda BBaChau, gyda diwydiannau bychain, daethon nhw â phrosiectau ymchwil diddorol, gyda gwerth masnachol a gellir eu defnyddio yn ogystal yn y dyfodol. Felly, mae gweithio gyda BBaChau yn bwysig.”

Dr Zhidao Xia
Prifysgol Abertawe